მთავარისიახლეებიპოლიტიკა"ჩემთვის დიდი პატივია პრეზიდენტ ზელენსკის შეთავაზება''- სააკაშვილიაცხადებს, რომ მზად არის...

“ჩემთვის დიდი პატივია პრეზიდენტ ზელენსკის შეთავაზება”- სააკაშვილიაცხადებს, რომ მზად არის წარუდგინოს უმაღლეს რადას თავისი პროგრამა

Published on

საქართველოს ექსპრეზიდენტისა და ოდესის ოლქის ექსგუბერნატორის, მიხეილ სააკაშვილის, განცხადებით, მან უკრაინის პრეზიდენტ ვოლოდიმირ ზელენსკისგან ვიცეპრემიერის თანამდებობაზე დანიშვნის შეთავაზება მიიღო. 

“ჩემთვის დიდი პატივია პრეზიდენტ ზელენსკის შეთავაზება, გავხდე უკრაინის მთავრობის ვიცეპრემიერი რეფორმების საკითხებში. მე უკვე მქონდა ძალიან პროდუქტიული საუბარი პრემიერმინისტრ შმიგალემთან, რომლის ფარგლებშიც ჩვენ დეტალურად განვიხილეთ ყველა საკითხი, რომელიც დაკავშირებულია მთავრობაში ჩემს შესაძლო სამსახურთან დაკავშირებით”, – წერს სააკაშვილი Facebook-ზე. 

პოსტში სააკაშვილი ასევე აღნიშნავს, რომ ზელენსკის მთელი იმ დროის განმავლობაში უჭერს მხარს, რაც ის პრეზიდენტის თანამდებობაზეა. 

“მე ამ შეთავაზებასა და საკუთარ გადაწყვეტილებას ძალიან დიდი პასუხისმგებლობით ვუდგები იმიტომ, რომ ეს ქვეყნისთვის ძალიან არა იოლი დროა. წინ ჩვენ ძალიან რთული პერიოდი გვაქვს, როგორც ეკონომიკაში, ისე მთლიანად ქვეყნის ცხოვრებაში. ჩვენ ახლა ისე, როგორც არასდროს, გაბედულად ყოფნა გვჭირდება ჩვენს გადაწყვეტილებებსა და რეფორმებში”, – წერს ექსპრეზიდენტი. 

სააკაშვილის განცხადებით, ის უმაღლეს რადას თავის პროგრამას წარუდგენს, თუ როგორ უნდა დაეხმაროს დენის შმიგალის მთავრობას. 

უკრაინული მედიის UNIAN ცნობით, სააკაშვილის შესაძლო ვიცეპრემიერობასთან დაკავშირებით ინფორმაცია თავდაპირველად ზელენსკის პარტიის “ხალხის მსახური” დეპუტატმა, ალექსანდრ კაჩურმა, გაავრცელა. კაჩურის თქმით, ფრაქციის “ხალხის მსახური” შეხვედრა ვიცეპრემიერობის კანდიდატთან უმაღლესი რადას რიგგარეშე სხდომის წინ გაიმრთება. 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...