საქართველოში 20 ათასი PCR ტესტი ჩამოვიდა. თბილისის საერთაშორისო აეროპორტში კორეიდან სპეცრეისით ჩამოტანილი ტესტები უკვე გადმოტვირთეს. სახელმწიფომ ტესტები “საქართველოს ბანკის” ფინანსური მხარდაჭერით შეიძინა.
“დღეს საქართველოს ჯანდაცვის სამინისტრომ, კორეიდან მიიღო 20 ათასი PCR ტესტი. მინდა მადლობა გადავუხადო ჩვენს საელჩოს კორეის რესპუბლიკაში, რომელმაც დიდი დახმარება გაუწია ჯანდაცვის სამინისტროს და ჩვენც,”- განაცხადა საქართველოს საგარეო საქმეთა მინისტრის მოადგილემ, ალექსანდრე ხვთისიაშვილმა.