დღეს კორონავირუსით ინფიცირების 15 ახალი შემთხვევა დადასტურდა. ამ ეტაპზე დადასტურებულია კორნავირუსის 385 შემთხვევა, მათ შორის გამოჯანმრთელებულია 84. გარდაცვლილია 3 პაციენტი, კარანტინის რეჟიმში – 4971 მოქალაქე. სტაციონარში მეთვალყურეობის ქვეშ არის 519 პაციენტი.
პირველ საუნივერსიტეტო კლინიკაში რეანიმაციულ განყოფილებაში 9 პაციენტი იმყოფება, სამი კრიტიკული პაციენტის მდგომარეობა კვლავ მძიმეა.
3 მძიმე პაციენტი დაემატა ინფექციურ საავადმყოფოსაც და ამ დროისთვის 8 პაციენტი ჰყავთ მძიმე პნევმონიით.
რაც შეეხება ბოჭორიშვილის კლინიკას, აქ გართულებული პნევმონიით 11 პაციენტია, მათ შორის არის სასულიერო პირიც.
თბილისის ზღვის ჰოსპიტალში ბოლო 2 დღის განმავლობაში 65 კვლევა ჩატარდა და ყველა მათგანზე უარყოფითი პასუხი იქნა მიღებული.
ბათუმში კორონავირუსის 4 ახალი შემთხვევა დადასტურდა, მათან 1 ქობულეთის კლასტერს უკავშირდება. დაინფიცირებული 50 წლამდე ქალია. დანარჩენი 3 პირი კი კარანტინიდან გადაიყვანეს, მათ თურქეთში მოგზაურობის ისტორია აქვთ.
ქუთაისში ერთით გაიზარდა ინფიცირებულთა რაოდენობა, პაციენტს თურქეთში მოგზაურობის ისტორია აქვს, ისიც საკარანტინო ზონიდან გადაიყვანეს საავადმყოფოში.