მერიის ნებართვით ზუგდიდის აგრარული ბაზრის ნაწილი რამდენიმე დღის წინ გაიხსნა, რომელიც მარტო კერძო ფართებს მოიცავს, ხოლო სახელმწიფოს კუთვნილი ფართები დღემდე დაკეტილია. მოვაჭრეები, რომლებსაც სახელმწიფოს კუთვნილ ფართებზე ვაჭრობენ, აპროტესტებენ, იმ ფაქტს, რომ მათ უფლებას არ აძლევენ ვაჭრობის და ითხოვენ, რომ კანონი ყველასთვის ერთი იყოს, ან მთლიანად გაიხსნას ბაზარი ანდა საერთოდ დაიკეტოს.
სამეგრელო-ზემო სვანეთის სახელმწიფო რწმუნებულმა ალექსანდრე მოწერელიამ გუშინ ჟურნალისტებთან განაცხადა, რომ ბაზრის ნაწილობრივ ამუშავების გადაწყვეტილება მიიღეს სწორედ იმ გარემოებიდან გამომდინარე, რომ მოსახლეობას ჰქონოდა საშუალება, ბაზარში შეეძინათ პროდუქტები. გუბერნატორის თქმთ, თუ ვითარების გაკონტროლება შეუძლებელი გახდება, ხელისუფლება ბაზრის დაკეტვის გადაწყვეტილებას დაუყოვნებლივ მიიღებს