ზუგდიდის საკრებულოს “ევროპული საქართველოს” დეპუტატი ბათლომე შელია სამოქალაქო აქტივისტს სიცრუეში ადანაშაულებს. ბათლომე შელია “ოდიშინიუსს” განუცხადა, რომ აქტივისტი რასაც წერს, ეს იყო პირისქით და ამის მოწმე 50-მდე ადამიანი იმყოფებოდა ადგილზე. “ყველაფერი იყო პირიქით, ეს არის აბსურდი, ახლა არ არის ამის გარჩევის დრო, ყველამ უნდა აკეთოს თავისი საქმე, სამ,ოქალაქო აქტივისტებმაც, წითელმა ჯვარმაც, მოხალისეებმაც და საერთოდ ყველამ. 50 კაცი იდგა მანდ და ყველამ ნახა, რაც მოხდა და როგორც იყო”- ამბობს ბათლომე შელია.
შეგახსენებთ, რომ დღეს სამოქალაქო აქტივისტმა როსტომ ზარანდიამ პოსტი გამოაქვეყნა, სადაც საკრებულოს ოპოზიციონერი დეპუტატი ცემაში დაადანაშაულა.