რესპუბლიკური საავადმყოფოს დირექტორის, ლევან გოფოძის განცხადებით, აგრესიული ტესტირებით ჟურნალისტებსაც შეამოწმებენ.
როგორც გოფოძემ მედიის წარმომადგენლებს განუცხადა, ტესტირების ახალი ალგორითმით ტესტები ხელმისაწვდომი იქნება მაღალი რისკის ჯგუფებისთვის, მათ შორის ჟურნალისტებისთვის.
„ეს არის მედიცინის სფეროს წარმომადგენლები, ესენი არიან ჟურნალისტები, რომლებიც ასევე მაღალი რისკის ჯგუფს მიეკუთვნებიან და ხდება გამოყოფა სხვა ჯგუფებისაც. ეს არის მომსახურების სფერო და ა.შ.“ – განაცხადა ლევან გოფოძემ.
შეგახსენებთ, რომ ჯანდაცვის სამინისტრომ სხვადასხვა ჯგუფებისთვის COVID-19-ის ტესტირების ახალი ალგორითმები დაამტკიცა. დოკუმენტის მიხედვით, საზოგადოების გარკვეულ ჯგუფებს აგრესიული ტესტირება ჩაუტარდებათ.