17 წლის მარიამ   ნარმანია     ა/ო „აფხაზეთი ჩემი“-ს მოხალისეა, აფხაზეთიდან დევნილი მოზარდი ახალაბასთუმნის საჯარო სკოლის მე-11 კლასის მოსწავლეა. საქართველოში კორონავირუსის გავრცელების შემდეგ გადაწყვიტა საქველმოქმედო აქციაში ჩართულიყო და პირნადეების შეკერვა დაიწყო. 100 ცალი პირბადე საკუთარი ხარჯებით შეკერა და ადგილობრივებს დაურიგა, ახლა სურვილი აქვს აფხაზეთში მცხოვრებ ქართველებს დაეხმაროს. სურვილის შემთხვევაში, თუ ნაჭრით დაეხმარებიან, შეკერავს იმდენს, რამდენიც საჭირო იქნება. „ონლაინგაკვეთილების მერე ვიწყებ კერვას ყოველდღე.. მტკივა ის ქართველები რომლებიც იქ დაუცველად გრძნობენ თავს, მეც დევნილი ვარ და მცირედითაც რომ დავეხმარო, კმაყოფილი ვიქნები, ჩავთვლი, რომ ერთი აგური მეც დავდე სადღაც, კარგი საქმის კეთებაში…“- ამბობსმარიამი.  მარიამის ქველმოქმედება  პირველი არ არის, რადგან სიმსივნით დაავადებულ ბავშვთა დასახმარებლად „აფხაზეთი ჩემი“ს ფარგლებში საკუთარი ხელთნაკეთი ნივთები რამდენჯერმე გაყიდა.  მსურველებს შეუძლიათ დაუკავშირდნენ მას ფეისბუკვერდზეhttps://www.facebook.com/ApkhazetiChemi/  ან დაეკონტაქტონ ტელეფონზე 558680208

#სიკეთეგადამდებია

#დარჩისახლში