კორონავირუსის გავრცელების პრევენციული ღონისძიებების ფარგლებში, ზუგდიდის მუნიციპალიტეტში, სადეზინფექციო სამუშაოები აქტიურად მიმდინარეობს. დეზინფექცია ჩაუტარდა მრავალბინიანი სახლების სადარბაზოებს, სადეზინფექციო სამუშაოების ჩატარებას ზუგდიდის მერია უზრუნველყოფს. საცხოვრებელი სახლების სადარბაზოებისა და საერთო სივრცეების სპეციალური ხსნარით დამუშავება მიმდინარეობს. ასევე სპეციალური ხსნარით დამუშავდა მოსაცდელები. ზუგდიდის მუნიციპალიტეტში, სადეზინფექციო სამუშაოები ჩაუტარდა 52 სკოლას, 62 საბავშვო ბაღს და ყველა სახელოვნებო და სპორტულ დაწესებულებას.