იერუსალიმში მაცხოვრის საფლავის ტაძარი ერთი კვირით დაიხურა კორონავირუსის გავრცელების საფრთხის გამო. ამის შესახებ ინფორმაციას France 24 ავრცელებს.
„ჩვენ ინფორმირებულნი ვიყავით ამის შესახებ. როგორც გვესმის, ტაძარი ერთი კვირით დაიხურა. ვიმედოვნებთ, რომ რაც შეიძლება მალე გაიხსნება“, – განაცხადა უადი აბუნასარმა, ადგილობრივი სამღვდელოების წარმომადგენელმა.
ისრაელში გადაადგილების მაქსიმალური შეზღუდვის რეჟიმი მოქმედებს. ბოლო მონაცემებით, ისრაელში კორონავირუსით ინფიცირების 2100-ზე მეტი შემთხვევა დაფიქსირდა, ხოლო ხუთი ადამიანი გარდაიცვალა.