სამეგრელო–გურიის “სოკარ გაზ ჯორჯიას” რეგიონული ოფისის მენეჯერი გია დარსანია აცხადებს, რომ გაზი ჩაჭრილია 706 აბონენტისთვის, 2400-მა აბონენტმა დავალიანება დაფარა.
მიზეზი ისაა, რომ 3215 აბონენტს გააჩნია წინა თვის დავალიანება, რომელიც მათ 15 მარტამდე უნდა გადაეხადათ, მათ შორისაა 50 კომერციული ობიექტი “ჩვენ ჩავჭერით 706 აბონენტი გადაუხდელობის გამო, თუმცა აღვნიშნავ რომ ყველა მათგანთან ოფისის ოპერატორებმა განახორციელეს ზარი და ვინც ტელეფონს არ უპასუხა, მათთან სახლში მივიდნენ და სწორედ ამის შემდეგ მოხდა გაზის გათიშვა მათთვის” – აცხადებს დარსანია. მისივე ინფორმაციით, სულ დარჩენილია 103 აბონენტი, რომელთაც ამ საღამოს ჩაეჭრებათ გაზი.
ოფისის მენეჯერი აცხადებს, რომ სოკარ–გაზ ჯორჯია არის კერძო კომპანია და მოუწოდებს აბონენტებს, დროზე გადაიხადონ დავალიანება მისივე თქმით, თანხის დროულად დაფარვა აუცილებელია, რადგან ეს კიდევფ უფრო გაართულებს შემდეგ თვეებში გადახდას.