როგორც “Wall Street journal”-ის სტატიაში ვკითხულობთ, სამხრეთ კორეელებს საკუთარი სახლების კარზე ხვდებათ შეტყობინება, ტესტირების გავლის აუცილებლობაზე, ხოლო პასუხი მოსდით ტელეფონზე ერთი დღის განმავლობაში. მსგავსმა აგრესიულმა სქრინინგ პოლიტიკამ, ტესტირებამ, შედეგი გამოიღო და დაინფიცირებულთა რაოდენობა 8-9 ათასის ფარგლებშია მოქცეული. უხეში დათვლით, სამხრეთ კორეაში ყოველი 200 ადამიანიდან ერთის ტესტირება ხდება, რომელიც ძირითადად უფასოა და 10 წუთს მოითხოვს. ტესტირებები, როგორც ჩვეულებრივ კლინიკებში, ასევე დროებით ნაგებობებში ხდება, მოქალაქეებს ხშირად მანქანიდან გადმოუსვლელადაც ამოწმებენ. სამხრეთ კორეამ ამ კუთხით აჯობა ამერიკას და ევროპას, სადაც სწრაფი ტესტირება შედარებით პრობლემურია
მსგავსი ტიპის აგრესიული ტესტირება ეფექტური გამოდგა იმ თვალსაზრისით, რომ ძალიან ცოტა ადამიანი რჩება ვისი დიაგნოსტირებაც არ ხდება და შესაბამისად გავრცელებაც ნაკლებია. მსგავსი პოლიტიკა ასევე მნიშვნელოვნად ამცირებს ეკონომიკურ ზიანს, რომელიც მოაქვს საგანგებო ვითარების გამოცხადებას, რაც კომერციული თუ საჯარო სამსახურების დახურვას ითვალისწინებს
ავტორი: ლევან თორია