მთავარისიახლეებიეკონომიკაეროვნული ბანკი: კორონავირუსის პანდემია მოლოდინების არხით გადაეცემა ფინანსურ ბაზრებს და ლარი უფასურდება

ეროვნული ბანკი: კორონავირუსის პანდემია მოლოდინების არხით გადაეცემა ფინანსურ ბაზრებს და ლარი უფასურდება

Published on

საქართველოს ეროვნული ბანკი ბოლო დღეებში ლარის გაუფასურებასთან დაკავშირებით განცხადებას ავრცელებს, სადაც ნათქვამია, რომ კორონავირუსის პანდემიით გამოწვეული გაურკვევლობა “მოლოდინების არხით გადაეცემა ფინანსურ ბაზრებს და, მათ შორის, სავალუტო კურსს, რისი შედეგიც, გამყარების ერთთვიანი პერიოდის შემდეგ, ლარის ბოლოდროინდელი გაუფასურებაა.”

განცხადებაში ვკითუხლობთ, რომ ლარის ბოლოდროინდელ გაუფასურებას რამდენიმე ფაქტორი განაპირობებს:

  • კორონავირუსის გლობალურად გავრცელების შედეგად ტურისტული ნაკადების კლება
  • ნავთობის ფასების ვარდნის გამო, ნავთობის ექსპორტიორი ქვეყნებიდან მოთხოვნის შესუსტება და ფულადი გზავნილების შემცირება

როგორც ეროვნულ ბანკში ამბობენ, ამ ძირითადმა მიზეზებმა გამოიწვია ის, რომ საქართველოში უცხოური ვალუტის შემოდინება შემცირდა, შედეგად კი მისი ფასი უკანასკნელ პერიოდში მნიშვნელოვნად გაიზარდა.

განცხადებაში აღნიშნულია ისიც, რომ ტურისტული მოგზაურობების შემცირების გამო, ნაკლებად გავა ქვეყნიდან ეროვნული ვალუტაც, რაც კურსზე დადებითად აისახება.

“ამავე დროს, საქართველოს დამოკიდებულება გზავნილებზე ნავთობის ექსპორტიორი ქვეყნებიდან მნიშვნელოვნად შემცირებულია, რაც ასევე დადებითი ფაქტორია,” – ნათქვამია განცხადებაში.

ეროვნულ ბანკში აღნიშნავენ, რომ უწყება იმ შემთხვევაში გადადგამს ნაბიჯებს, თუ მნიშვნელოვნად გაიზრდება წნეხი ინფლაციაზე.

საქართველოს ეროვნული ბანკის ცნობით, 11 მარტის სავალუტო ვაჭრობის შედეგად ლარი დოლართან და ევროსთან კვლავ გაუფასურდა.

დოლართან მიმართებით გაუფასურებამ 3.28 თეთრი შეადგინა, ხოლო ევროსთან – 3.17 თეთრი.

ოფიციალური კურსით ერთი აშშ დოლარი ამჟამად 2.8791 ლარი ღირს, ხოლო ერთი ევრო – 3.2591 ლარი.

სიახლეები

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...

ფონიჭალაში, კორპუსში აფეთქების ადგილზე საგამოძიებო მოქმედებები გრძელდება

ფონიჭალაში, სადაც გუშინ, საცხოვრებელი კორპუსის მეხუთე სართულზე ბუნებრივი აირის დაგროვების შედეგად აფეთქება მოხდა, საგამოძიებო...

ევროკომისიამ ევროკავშირის სანქციების ოფისი შექმნა

ევროკომისიამ ევროკავშირის სანქციების ოფისი შექმნა, რუსეთის წინააღმდეგ დაწესებული შეზღუდვების აღსრულებას განსაკუთრებით ამკაცრებს ევროკომისიამ ევროკავშირის სანქციების...