საზოგადოებრივი ჯანდაცვის ცენტრის ინფორმაციით, ადვოკატებმა, რომლებიც ზუგდიდში ჩამოვიდნენ, ტერმინი თვითიზოლაცია არასწორად გამოიყენეს.
ნანა ოდიშარიას თქმით, გაირკვა, რომ ადვოკატები არც საზღვარგარეთ ყოფილან და არც ინფიცირებულ პირებთან ქონიათ კონტაქტი.
ზუგდიდის რაიონულ სასამართლოში თვითიზოლაციაში მყოფი ორი ადვოკატის გამოცხადების შესახებ ინფორმაცია სოციალურ ქსელში სასამართლოს თავმჯდომარე ნატრული აკობიამ დაწერა.მოსამართლის თქმით, ადვოკატებმა განმარტეს, რომ ისინი თვითიზოლაციაში იმყოფებოდნენ. ამის შესახებ საპატრულო პოლიციასა და ჯანდაცვის სამსახურს შეატყობინეს. ნატრული აკობია შესაბამის სამსახურებს მიმართავდა და თვითიზოლაციაში მყოფი ადამიანების მკაცრად გაკონტროლებას ითხოვდა. მოგვაინებით სასამართლოში სადეზინფექციო სამუშაოები ჩატარდა, ნატრული აკობიამ კი პოსტი წაშალა.
ბოლო მონაცემებით საქართველოში კორონავირუსის 23 დადასტურებული შემთხვევაა.ჯანდაცვის სამინისტრო საფრთხეებზე საუბრობს და კორონავირუსით დაავადებულთა წრის გაზრდას არ გამორიცხავს