მთავარისიახლეებიპოლიტიკაგიორგი მარგველაშვილი ოპოზიციის წარმომადგენლების შეხვედრაზე მივიდა

გიორგი მარგველაშვილი ოპოზიციის წარმომადგენლების შეხვედრაზე მივიდა

Published on

“ლეიბორისტული პარტიის” ოფისში, სადაც ოპოზიციის ლიდერები კონსულტაციებს  მართავენ,  საქართველოს მეოთხე პრეზიდენტიც მივიდა. გიორგი მარგველაშვილმა  ოპოზიციის წევრებს გამარჯვება და კონსენსუსის მიღწევა მიულოცა.  

ასევე გიორგი მარგველაშვილმა მადლობა გადაუხადა სამოქალაქო აქტივისტებს, რომლებიც საარჩევნო სისტემის შეცვლის მოთხოვნით, საპროტესტო აქციებს მართავდნენ. 

“მე მინდა ხაზი გავუსვა იმას, რომ თქვენი ძალიან პრინციპული ბრძოლით, უნარით, რომ გადალახოთ ბევრი წინააღმდეგობა, მიზნისკენ სწრაფვით, დიდი კვალიფიკაციით, რომელიც ამ ოთახში იყრიდა და იყრის თავს, მიაღწიეთ იმას, რაც ქართული საზოგადოებისთვის ათწლეულების სანატრელი იყო.

ამას მიაღწიეთ ურთულეს ვითარებაში და მე ამ წუთას, ასევე მინდა მადლობა ვუთხრა იმ სამოქალაქო აქტივისტებს, ვინც დაიწყო ეს ბრძოლა და ძალიან პრინციპულად აწარმოეს. მე მიმაჩნია, რომ ქართული დემოკრატია დღეიდან ბევრად უფრო ძლიერ საფუძველზე დგას. ის პოლიტიკური ძალები, რომლებიც აქ გაერთიანდნენ და რომლებიც თავის მომავალს ხედავენ იმაში, რომ არ მოიპარონ, არამედ მიიღონ ის ხმები, რომელსაც ხალხი მათ მისცემს. ძალიან მნიშვნელოვანი საფუძველი ჩაუყარეთ ამით ჩვენი ქვეყნის სიკეთეს, სტაბილურობას და განვითარების შესაძლებლობას,” – განაცხადა გიორგი მარგველაშვილმა.

სიახლეები

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...

ფონიჭალაში, კორპუსში აფეთქების ადგილზე საგამოძიებო მოქმედებები გრძელდება

ფონიჭალაში, სადაც გუშინ, საცხოვრებელი კორპუსის მეხუთე სართულზე ბუნებრივი აირის დაგროვების შედეგად აფეთქება მოხდა, საგამოძიებო...

ევროკომისიამ ევროკავშირის სანქციების ოფისი შექმნა

ევროკომისიამ ევროკავშირის სანქციების ოფისი შექმნა, რუსეთის წინააღმდეგ დაწესებული შეზღუდვების აღსრულებას განსაკუთრებით ამკაცრებს ევროკომისიამ ევროკავშირის სანქციების...