კორონავირუსის საფრთხისგან თავის ასაცლებლად რომის პაპი ქადაგებას ჩვეულ ფორმატში აღარ ჩაატარებს. პაპი ფრანცისკე აღარ წარსდგება ქადაგებით ფანჯრიდან, რომელიც წმიდა პეტრეს მოედანს გადაჰყურებს. ტურისტები და მორწუნეები, რომლებიც პაპის სანახავად იკრიბებიან ხოლმე, პაპის ქადაგებას ონლაინ რეჟიმში გაეცნობიან.
თებერვლის ბოლოს ფრანცისკემ გაციების გამო შეხვედრები და საჯარო გამოსვლები გადადო. ვატიკანი აცხადებდა, რომ პაპი თავს შეუძლოდ გრძნობდა, თუმცა აღნიშნეს, რომ პაპს კორონავირუსი არ სჭირს.