დღეს, 4 მარტს საქართველოს პარლამენტში საქართველოს პრეზიდენტს უსმენენ. ის დეპუტატების წინაშე მთელი წლის ანგარიშით წარსდგა.
სალომე ზურაბიშვილმა უკვე ისაუბრა ძირითად პრობლემებსა და გამოწვევებზე, რომლის წინაშეც დგას ქვეყანა და პარალელურად სცადა წაეშალა ზოგიერთი თავისი წინამორბედი ოპუსისა და ლაფსუსის კვალი, რომელმაც მნიშვნელოვნად დააზიანა მისი, როგორც პრეზიდენტის ავტორიტეტი.
სალომე ზურაბიშვილმა გაიმეორა ძველი და გააჟღერა სახეცვლილი თუ ახალი მესიჯები:
1.აგრესიამ, სიძულვილმა, შეურაცხყოფამ შეცვალა ქართულ ღირებულებათა სისტემა. მივიღეთ: აგრესია – შემწყნარებლობის ნაცვლად. სიძულვილი – სიყვარულის ნაცვლად. შეურაცხყოფა – ზრდილობის ნაცვლად. ეგოიზმი და კარჩაკეტილობა – სოლიდარობის ნაცვლად. შიში – ტრადიციული სიმამაცის ნაცვლად.
2. ზოგი სამართლიანი და ზოგიც პოლიტიკურად მოტივირებული კრიტიკის მიუხედავად, სასამართლოს პროგრესი უდავოა
6. 30 წელიწადში მივიღეთ ახალი თაობა, სრულიად თავისუფალი, უშიშარი და უკომპლექსო
7.ჩვენი ქვეყნის განვითარების ახალ ეტაპზე, რომელიც უნდა დაგვირგვინდეს დეოკუპაციით, სახელმწიფოს გაერთიანებითა და საქართველოს თავის ევროპულ ოჯახში ღირსეულ წევრად დაბრუნებით, ჩვენს თაობას აქვს ერთი ვალდებულება – დაძლიოს პოლარიზაცია.
პრეზიდენტის გამოსვლა ამ დროისთვისაც გრძელდება, პლენარულ სხდომას არ ესწრებიან ევროპული საქართველოსა და ნაციონალური მოძრაობის დეპუტატები. ისინი საარჩევნო სისტემაზე ვერშეთანხმების გამო კვლავ ბოიკოტის რეჟიმში რჩებიან. პარალელურად კი პარლამენტის შენობასთან სამოქალაქო აქტვისტების საპროტესტო აქცია მიმდინარეობს.