სახელმწიფო რწმუნებულების ცხრა ადმინისტრაციამ ორ წელში ხელფასებში, პრემიებში, ჯილდოებსა და სხვა მიმართულებით 10 797 168 ლარი დახარჯეს. მონაცემებს “საერთაშორისო გამჭვირვალობა – საქართველო” აქვეყნებს.

გასული ორი წლის განმავლობაში სახელმწიფო რწმუნებულის ადმინისტრაციებში 8,2 მლნ ლარზე მეტი ანაზღაურებაზე დაიხარჯა. ეს მონაცემი 2016-2017 წლებთან შედარებით 1,4 მლნ ლარით მეტია.

ამავე პერიოდში 505 ათას ლიტრზე მეტ საწვავში 1,1 მლნ ლარზე მეტი, ხოლო 81 ავტომობილის შეკეთება-დიაგნოსტიკაზე ნახევარ მილიონზე მეტი დაიხარჯა.

სხვა ხარჯები:

• ტელეკომუნიკაცია – 123 ათას ლარზე მეტი;
• წარმომადგენლობითი ხარჯი (კვება, რესტორანი და ა.შ.) – 86 ათას ლარზე მეტი.

2019 წელს სამეგრელო ზემო სვანეთის სახელმწიფო რწმუნებულის ადმინისტრაციის მიერ ადმინისტრაციაში გაცემული ხელფასი, დანამატი, პრემია ჯამში შეადგენს 61, 705 ლარს ( 2018 წელს ეს მაჩვენებელი იყო 568, 279 ლარი)

ადმინისტრაციის სარგებლობაში არსებული 11 ავტომობილის შეკეთებაზე/ დიაგნოსტიკაზე გაწეულმა ხარჯებმა 2019 წელს შეადგინა 26, 818  ლარი ( 2018 წელს – 55, 787 ლარი)

2019 წელს: გახარჯულია 46, 538 ლიტრი საწვავი , რომლის საერთო ღირებულება 101, 881 ლარს შეადგენს ( 2018 წელს დაიხარჯა 40, 522 ლიტრი, ღირებულებით 88, 208)

სატელეფონო კომუნიკაციაზე გახარჯული თანხა 4, 604 ლარს შეადგენს, 2018 წელს ( 4,085ლარი)

მივლინებებზე – 2019 წელს დაიხარჯა 10, 142 ლარი ( 2018 წელს 10, 142 )

წარმომადენლობით მომსახურებაზე (რესტორნის მომსახურება, სასმელი პროდუქტები, ალკოჰოლური სასამელები და ა.შ) – 2019 წელს დაიხარჯა 6, 743;  2018 წელს – 15, 993 ლარი