ფოთში საქალაქო სასამართლოს თანამშრომელმა, 40 წლის ხობის მუნიციპალიტეტის შუა ხორგის მკვიდრმა ლევან ქირიამ სიცოცხლე თვითმკვლელობით დაასრულა. “ქირით ცხოვრობდა ფოთში და გუშინ დასვენების დღე რომ იყო, ცოლ-შვილი სოფელში წამოუყვანია და ნაქირავებ ბინაში ფოთში ნახეს ჩამომხრჩვალი,წერილიც დაუტოვებია,სადაც წერს,მარტო ღმერთმა იცისო მე ეს რატომ გავაკეთეო,სხვა არაფერია ცნობილი“- აცხადებს მერის წარმომადგენელი სოფელში ვალერიან ქაცარავა. მამაკაცის ცხედარი ქუთაისის ექსპერტიზის ბიუროშია გადასვენებული.