უკრაინაში კორონავირუსის პირველი შემთხვევა დადასტურდა.
ქვეყნის ჯანდაცვის მინისტრის მოადგილის ვიქტორ ლიაშკოს თქმით, გუშინ 4 ადამიანს ჩაუტარეს ტესტირება და აქედან ერთ პირს ვირუსი დაუდასტურდა. ის ჩერნოვეცკის ოლქის მცხოვრებია, რომელიც იტალიიდან დაბრუნდა.
ამ დროისთვის კორონავირუსით დაავადებულთა რიცხვი მსოფლიოში 89 ათასს აღემატება, გარდაიცვალა 3 ათასზე მეტი ადამიანი.
დაავადებულთა უმრავლესობა, 80 ათასზე მეტი, კონტინენტური ჩინეთის მოქალაქეა. ჩინეთის გარეთ, კორონავირუსის შემთხვევები კიდევ 58 ქვეყანაში დადასტურდა.