მთავარისიახლეებიპოლიტიკაადამ კინზინგერი: "თუ ვინმე კონგრესის როლს სათანადოდ არ აფასებს, ცდება"

ადამ კინზინგერი: “თუ ვინმე კონგრესის როლს სათანადოდ არ აფასებს, ცდება”

Published on

ევროპული საქართველოს ლიდერი გიგა ბოკერია აშშ-ის კონგრესში საქართველოს მეგობრების ჯგუფის თანათავმჯდომარის, ადამ კინზინგერის, ახალ ინტერვიუს ეხმაურება, სადაც რესპუბლიკელი კონგრესმენი ამბობს, რომ იმ შემთხვევაში, თუ აშშ ვერ იხილავს პროგრესს საარჩევნო სისტემასთან დაკავშირებით, “ბევრისთვის მოულოდნელი იქნება”, რასაც გააკეთებენ. 

ბოკერია ამბობს, რომ ზოგადად, პარტნიორებს შორის ასეთი რეაქცია გამოიწვია იმან, თუ როგორ მოიქცნენ ქართული ოცნების ლიდერი ბიძინა ივანიშვილი და “მისი პოლიტიკური მასხარები”. 

“პრაგმატულად ყველა ჩვენს მეგობარს აქვს ინტერესი, რომ მის სიტყვას ჰქონდეს ფასი და ეს ადამიანები, ეს უტიფარი ლიდერი და მისი გარემოცვა, საკუთარი ამ ბრიყვული გათვლის გამო, რომ ასე შეინარჩუნებენ ძალაუფლებას, შარში გვხვევენ ჩვენს საუკეთესო მეგობრებთან. ეს ყველაფერი საქართველოსთვის ზიანის მიმყენებელი ვითარებაა, რომელშიც ქვეყანა ივანიშვილმა შეიყვანა,”- ამბობს ბოკერია. 

კითხვაზე, რა შეიძლება გულისხმობდეს კინზინგერი “ბევრისთვის მოულოდნელ” გადაწყვეტილებაში, ბოკერია პასუხობს, რომ ის კონგრესმენების ნაცვლად ვერ იტყვის, რა იქნება ეს “სიურპრიზი”, რადგან არ იცის.

“კარგი იქნება, თუ ივანიშვილი გააცნობიერებს იმას, რა გზაზე დადგა უკვე თვეებია. თუ ამას გააცნობიერებს, მათ შორის ამ გზავნილების შედეგად, ჯერ კიდევ აქვს პატარა დრო გონზე მოსასვლელად,”- ამბობს გიგა ბოკერია. 

პარლამენტის თავმჯდომარე არჩილ თალაკვაძე ამბობს, რომ აშშ-ის კონგრესში საქართველოსთან მეგობრობის ჯგუფის თავმჯდომარის, ადამ კინზინგერის, ინტერვიუში “პოლიტპატიმარი არ ყოფილა ნახსენები”.   თუმცა ასევე ამბობს, რომ ინტერვიუში “აქცენტი კონკრეტულ შემთხვევაზე”, გიგი უგულავას დაპატიმრებაზე იყო გაკეთებული. 

კონგრესმენმა კინზინგერმა საქართველოში არსებული ვითარების შესახებ “ამერიკის ხმასთან” ინტერვიუში სხვა საკითხებთან ერთად ევროპული საქართველოს გენერალური მდივნის, გიგი უგულავას, დაპატიმრებაზეც ისაუბრა და აღნიშნა, რომ ძალიან შეშფოთდა, როდესაც მასთან მივიდა ხმები, რომ უგულავას დაპატიმრება იგეგმებოდა. კინზინგერის თქმით, მან თავისი პოზიცია ქართული ოცნების ლიდერებს “ძალიან ნათლად” გააცნო და უთხრა, რომ ეს გადაწყვეტილება “საშინელი იქნებოდა”. 

“ქართველ ხალხს სჭირდება იცოდეს, რომ მათი სასამართლო სისტემა, როგორც აქ, შეერთებულ შტატებში, სამართლიანი და თავისუფალია და არ აქვს პოლიტიკური მიკერძოება. ჩვენ ძალიან ვღელავთ, როცა ვხედავთ, რომ ტელევიზიის მმართველებს, რომლებიც ოპოზიციისადმი სიმპატიით არიან განწყობილები, დევნიან ან პოლიტიკურ ლიდერებს ხელახლა აკავებენ საქმეზე, რომელზეც უკვე მოიხადეს სასჯელი,”– თქვა ადამ კინზინგერმა. 

კონგრესმენმა საქართველოს მთავრობას მოუწოდა, “გამოიყენოს სასამართლო სისტემა სამართლისთვის და მხოლოდ სამართლისთვის”.

. გარდა იმისა, რომ მისი თქმით, მოულოდნელი იქნება ის, რასაც აშშ მოიმოქმედებს იმ შემთხვევაში, თუ საარჩევნო პროცესთან დაკავშირებით პროგრესს ვერ დაინახავს, კინზინგერი ამბობს, რომ “თუ ვინმე კონგრესის როლს სათანადოდ არაფერს, ცდება”. ამასთან რესპუბლიკელმა კონგრესმენმა აღნიშნა, რომ კონგრესი და პრეზიდენტის ადმინისტრაცია ერთ აზრზე არიან და საქართველოსთან მიმართებით ადმინისტრაციის მხრიდან “უფრო მეტ ნაბიჯს ვიხილავთ”.

სიახლეები

ევროკომისიამ ევროკავშირის სანქციების ოფისი შექმნა

ევროკომისიამ ევროკავშირის სანქციების ოფისი შექმნა, რუსეთის წინააღმდეგ დაწესებული შეზღუდვების აღსრულებას განსაკუთრებით ამკაცრებს ევროკომისიამ ევროკავშირის სანქციების...

აფეთქების შედეგად დაშავებული კაცის მდგომარეობა უმძიმესია, ის კვლავ მართვით სუნთქვაზე იმყოფება – ქაშიბაძე

დამწვრობის ცენტრის დირექტორის, გუგა ქაშიბაძის ინფორმაციით, ქვემო ფონიჭალაში, კორპუსში მომხდარი აფეთქების შედეგად დაშავებული 31...

22 ნოემბერი საქართველოში გლოვის დღედ გამოცხადდა

ქვემო ფონიჭალაში საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 2026 წლის 22 ნოემბერი საქართველოში...

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...