ფოთის რეფერალურ ჰოსპიტალში მცირე ხნის წინ შეიყვანეს ახალგაზრდა მამაკაცი, რომელსაც კისრის არეში შემავალი ჭრილობა აღენიშნება. რა გახდა მამაკაცის დაშავების მიზეზი ჯერჯერობით უცნობია, ცნობილია მხოლოდ ის, რომ ბიჭი ფოთის პორტიდან შემოიყვანეს.
ექიმების ინფორმაციით, პაციენტის ჯანმრთელობის მდგომარეობა მძიმეა, ის მართვით სუნთქვაზე იმყოფება.
„პაციენტს აღენიშნება შემავალი ჭრილობა კისრის არეში და ასევე გულმკერდის ტრავმა. მისი მდგომარეობა მძიმეა და რეანიმაციულ განყოფილებაშია მოთავსებული. პაციენტი მართვით სუნთქვაზეა და უტარდება შესაბამისი მკურნალობა“, – თქვა საავადმყოფოს დირექტორმა თეა მიგინეიშვილმა.
მომხდართან დაკავშირებით შს სამინისტროში ამბობენ, რომ დეტალებს არკვევენ და კომენტარს მოგვიანებით გააკეთებენ.