იდლიბის პროვინციაში განლაგებული თურქული სამხედრო კოლონა, ასადის რეჟიმის სამხედრო ძალებმა დაბომბეს.
სირიის ადამიანის უფლებათა ობსერვატორიის ცნობით, ავიაიერიშს 34 თურქი სამხედრო მოსამსახურე ემსხვერპლა. თუმცა განსხვავებულ ინფორმაციას ავრცელებს თურქული მხარე. მათი განცხადებით, მომხდარის შედეგად 22 ჯარისკაცი დაიღუპა, რამდენიმე კი, დაიჭრა.
Reuters-ი წყაროზე დაყრდნობით წერს, რომ თავდასხმა სირიის ხელისუფლებამ ან მისმა მოკავშირე რუსულმა მხარემ განახორციელა. ამასთანავე, სააგენტოს ცნობით, თურქეთის პრეზიდენტმა რეჯეფ თაიფ ერდოღანმა მომხდარის გამო, უშიშროების საბჭოს საგანგებო სხდომა მოიწვია.