ცოლის თვითმკვლელობამდე მიყვანის ბრალდებით დაკავებულმა ბაკურ სორდიამ დანაშაული აღიარა. ბრალდებულის განმარტებით, ის სრულად ეთანხმება პროკურატურის მტკიცებულებებს, რის გამოც სხდომებზე მოწმეებიც არ გამოიკითხება.ზუგდიდის რაიონულ სასამართლოსთნ სხდომის პარალელურად დეკემბერში გარდაცვლილი ეკა მიქავას მშობლებმა და ახლობლებმა აქცია გამართეს. გარდაცვლილის ოჯახის წევრებს არ სჯერათ შვილის თვითმკვლელობის შესახებ გავრცელებული ოფიციალური ინფორმაციის და საქმის გადაკვალიფიცირებას ითხოვენ. ისiნი ამბობენ, რომ ქალი ჯერ ქმარმა მოკლა და მეზობლის, საკრებულოს წევრის ზაზა ხუბუას ბოსელში ჩამოკიდა. თვითმკვლელობის მიზეზად ოჯახური კონფლიქტი სახელდება. ქალის მეუღლე 29 დეკემბერს დააკავა. დაკავებულის წინააღმდეგ საქმე სსკ-ის 11-1 151-ე მუხლის პირველი ნაწილის და 126-1-ე მუხლის მეორე ნაწილის “ბ” ქვეპუნქტით არის აღძრული.სასამართლო პროცესი 31 მარტს ჩაინიშნა, სადაც სავარაუდოდ საბოლოო განაჩენი გამოცხადდება