ახალგაზრდულმა  ორგანიზაცია „ახალი ლიდერების ინიციატივამ“ ზუგდიდში რეგიონული შეხვედრა გამართა. ორგანიზაციის დამფუძნებელმა, კრისტინა ფაშოუმ ახალგაზრდებთან შეხვედრაზე იმ გამოწვევებსა და აუცილებელ გადასადგმელ ნაბიჯებზე ისაუბრა, რომელიც სწორედ მომავალმა თაობამ უნდა იკისროს.  მისი თქმით, დემოკრატიული და ევროპული ქვეყნის შესაქმნელად ამ ახალგაზრდების გააქტიურებაა საჭირო. ახალგაზრდებთან შეხვედრაზე მოწვეული იყო ყოფილი პირველი ლედი სანდრა რულოვსი. მან ახალგაზრდებს საკუთარი გამოცდილება გაუზიარა და ესაუბრა განათლების მნიშვნელობასა და იმაზე, თუ როგორ უნდა იყვნენ აქტიურად ჩართულები საზოგადოებრივ სამსახურში.”ახალი ლიდერების ინიციატივა” არის ორგანიზაცია, რომელიც მუშაობს ახალგაზრდებთან სხვადასხვა საკითხებზე, ატარებს საჯარო ლექციებს და ასწავლის მათ, თუ როგორ უნდა შექმნან უკეთესი ქვეყანა.შეხვედრას სამეგრელოს რეგიონის ახალგაზრდები ესწრებოდნენ, შეხვედრის დასასრულს სანდრა რულოვსმა მათ საჩუქრად ავტოგრაფით წიგნი „იდეალისტის ნაამბობი გადასცა, ასევე „დემოკრატიის ანბანი“ ნიკა რურუას რედაქტორობით და  მისივე ავრტორობით რადიოგადაცემების კომპაქტდისკი ჯაზოკრატია.