„პირველი რეგიონული ოფისის გახსნას ზუგდიდში აქვს კონკრეტული მიზეზები“- ამ განცხადებით მიმართა შეკრებილებს პოლიტიკური პარტია „ლელო საქართველოსთვის“ დამფუძნებელმა მამუკა ხაზარაძემ პარტიის პირველი რეგიონული ოფისის გახსნაზე. მისი თქმით, ანაკლიის პორტის და ქალაქის მშენებლობა ხელისუფლებამ სპეციალურად გააჩერა, რადგანაც პორტის ფუნქციონირება ჩრდილოელ მეზობელს ხელს უშლიდა. „ ამიტომ ერთ-ერთი გამოსავალია ეს ხელისუფლება ბიძინა ივანიშვილის მეთაურობით გავუშვათ და როგორც კი ეს მოხდება, მეორე დღესვე დაიწყება ამ პროექტის განვითარება“. მამუკა ხაზარაძემ ზუგდიდის ოფისის ხელმძღვანელად, ალექსანდრე ახვლედიანი წარადგინა. ალექსანდრე ახვლედიანის თქმით, მოსახლეობის მხრიდან უზარმაზარ მხარდაჭერას გრძნობენ, „თქვენი მხრიდან მხარდაჭერა ეს არის მოტივაცია თითოეული ჩვენთაგანისთვის განსაკუთრებით სამეგრელოს რეგიონისთვის და ეს არის ლელოს პირველი პოლიტიკური წერტილი ამ რეგიონში“.
მისივე თქმით, ამ დროისთვის სამეგრელოს რეგიონულ ორგანიზაციაში 200-მდე წევრია რეგისტრირებული.