ზუგდიდში,თავისუფლების ქუჩაზე მდებარე მე-14 და მე-15 საბავშვო ბაღები გაქურდეს. ორივე ბაღი ერთ შენობაშია მოთავსებული. დილით, მე-15 საბავშვო ბაღში მისულ ბაღის გამგეს ინეზა ზაქარაიას, ოთახებში ტელევიზორები და მუსიკალური ცენტრი არ დახვდა.“საღამოს დავკეტე რკინის კარები და დილას რომ მოვედი, ფანჯარა ღია დამხვდა და კარებიც ჩამტვრეული. ადგილზე არ იყო 2 ტელევიზორი და მუსიკალური ცენტრი ჩიპებით,ეგრევე გამოვიძახე პოლიცია“,- აცხადებს გამგე. ბაღში ამ დრომდე ექსპერტ-კრიმინალისტები მუშაობენ. საბავშვო ბაღის დირექტორი კი პოლიციაში გამოკითხვაზე იმყოფება. ფაქტზე, სავარაუდოდ,საქმე უკვე აღძრულია.