“მე მინდა, ჩვენს ძვირფას დეპუტატებს, რომელთა წინაშეც ვარ, პირველ რიგში, ანგარიშვალდებული, ვუთხრა –  სულ რამდენიმე თვე დარჩა ჩემი და ჩემი გუნდის იუსტიციის სამინისტროში ყოფნისა. რა თქმა უნდა, ქართული ოცნება, მე ასე მჯერა, გაიმარჯვებს ამ არჩევნებში და ის ჰუმანური პოლიტიკა, რაც ჩვენ შევძელით მოგვეტანა პენიტენციურ სისტემაში, გაგრძელდება, თითოეული ჩემი წინამორბედი მინისტრის დაწყებული, ბატონი სუბარის თაოსნობით და შემდეგ უკვე მე ვცდილობ ეს გავაგრძელო. რა თქმა უნდა იმ მშენებლობებს, რომლებსაც ჩვენ წელს ჩავუშვებთ, მომდევნო იუსტიციის მინისტრი გააგრძელებს. ჩემი მთავარი მიზანია, ვინც იქნება მომდევნო იუსტიციის მინისტრი და რა თქმა უნდა ეს იქნება ქართული ოცნებიდან, მე ასე მჯერა, ის შეძლებს ამ ყველაფერს დააშენოს უკეთესი რამ.” – განაცხადა იუსტიციის მინისტრმა თეა წულუკიანმა ადამიანის უფლებათა დაცვის კომიტეტის სხდომაზე, სადაც ომბუდსმენმა სპეციალური ანგარიში წარადგინა და მწვავედ გააკრიტიკა პენიტენციულ დაწესებულებებში ხელისუფლების მიერ დამკვიდრებული პოლიტიკა