საქართველოს უნივერსიტეტის სამეგრელო-ზემო სვანეთის წარმომადგენლობის ოფისში დღეს ბიბლიოთეკა გაიხსნა. ეს არის უნივერსიტეტის საგანმანათლებლო-სოციალური პროექტი, რომლის ფარგლებშიც ზუგდიდის რეგიონულ ოფისში სამკითხველო სივრცე მოეწყო და ადგილობრივები დამატებითი საგანმანათლებლო ბენეფიტით ისარგებლებენ.ბიბლიოთეკაში, ძირითადად, წარმოდგენილი იქნება პროფესიული ლიტერატურა, როგორც ქართულ ასევე ინგლისურ ენაზე. დაინტერესებული პირები გაიღრმავებენ ზოგად თუ პროფესიულ განათლებას და გაეცნობიან თვითგანვითარებაზე ორიენტირებულ სახელმძღვანელოებს, ასევე წიგნებს, რომლებიც კარიერულ წინსვლაში ხელს შეუწყობს.ბიბლიოთეკის გახსნის ღონისძიებაზე უნივერსიტეტმა წარმატებული თანამშრომლობისთვის სხვადასხვა ორგანიზაცია დააჯილდოვა, მათ შორის, ტელეკომპანია „ოდიში“, ჟურნალის „სარკმელი“, და ბიბლიოთეკასთან არსებული ამერიკული კუთხე. სივრცე, რომელიც ახალგაზრდებისთვის საყვარელი ადგილია, დღეიდან უფრო მიმზიდველი და საინტერესო ხდება.საქართველოს უნივერსიტეტი რეგიონებში პერიოდულად აპირებს ბიბლიოთეკების გახსნას, სამეგრელო-ზემო სვანეთის წარმომადგენლობაში კი სხვადასხვა პროექტები ინტენსიურად ხორციელდება