სვეტიცხოვლის საკათედრო ტაძარში საქართველოს კათოლიკოს-პატრიარქის, ილია მეორის აღსაყდრებიდან 42 წლისადმი მიძღვნილ სადღესასწაულო ლიტურგია ჩატარდა.
თიანეთისა და ფშავ-ხევსურეთის მეუფე მიქაელმა ლიტურგიის დაწყებამდე დეკანოზი მამალაძის შეწყალებასთან დაკავშირებით მედიის კითხვებს უპასუხა
„მთელი სულითა და გულით ველოდებით, რომ ყველაფერი კარგად დამთავრდეს – ჩვენ ხომ მოვაწერეთ ხელი შეწყალებაზე. მთელი საქართველო რომ გათავისუფლდეს და მთელი ქართველი ერი რომ ერთად ვიყოთ, ყველაფერი კარგად იყოს, ეგ გვინდა. მარტო მამალაძე კი არა” – აღნიშნა მეუფემ.
ჭყონდიდის ეპარქიის მმართველმა, მეუფე გრიგოლმა დეკანოზ გიორგი მამალაძის შეწყალების შესახებ საუბრისას მოკლე კომენტარი გააკეთა და თქვა: “ახალ წელს უნდა შეხვდნენ ეკლესიაში, მონასტრებში, სახლში და არა საავადმყოფოში, რეანიმაციაში, ციხეში და სასამართლოში”.
„ჩვენ ვთხოვეთ პრეზიდენტს. ეს უკვე პრეზიდენტის პრეროგატივაა. ახალ წელს უნდა შეხვდნენ ეკლესიაში, მონასტრებში, სახლში და არა საავადმყოფოში, რეანიმაციაში, ციხეში და სასამართლოში“, – განაცხადა მეუფე გრიგოლმა.