დღეს, დადიანების სასახლესთან ზუგდიდის შალვა დადიანის სახელობის სახელმწიფო დრამატული თეატრის დირექტორის, ზურაბ ეგუტიას მხარდასაჭერად მსახიობების უმრავლესობა შეიკრიბა.
როგორც ისინი აცხადებენ, სირცხვილია, როცა ორი მსახიობის ინტრიგას თეატრის იმიჯი ეწირება.
როგორც ცნობილია, თეატრის დირექტორს ზურაბ ეგუტიას ამავე ამავე თეატრის მსახიობი კოკა ხუბუტია ფიზიკურ ძალადობაში ადანაშაულებს. მსახიობის თქმით, შემთხვევა ივნისში მოხდა, ერთ-ერთი სპექტაკლის დასრულების შემდეგ.
თავის მხრივ, თეატრის დირექტორი აცხადებს, რომ მასსა და მსახიობს შორის ფიზიკურ დაპირისპირებას ადგილი არ ჰქონია. მისივე თქმით, ის ამ საქმესთან დაკავშირებით პოლიციაში დაკითხვაზე უკვე იმყოფებოდა და როგორც იგი დასძენს, სათანადო ორგანოები დაადგენენ არის თუ არა იგი დამნაშავე ამ ინცინდენტში.
მანამდე კი ზურაბ ეგუტიას თეატრის მსახიობების უმრავლესობა სრულ მხარდაჭერას უცხადებენ.