აფხაზეთიდან დევნილი ლეილა მოროხია ამ ოთახში 4 თვეა ქირით ცხოვრობს. როგორც თვითონ ამბობს, აქ მამის გარდაცვალების შემდეგ გადმოვიდა. მარტოხელა ქალბატონი ამბობს, რომ დევნილთა სამმართველოში მოატყუეს, უთხრეს, რომ ქირას გადაუხდიდნენ, თუმცა, დღემდე საფასურს თვითონ იხდის.დევნილთა სამმმართველოს უფროსი მანუჩარ ჩილაჩავა ამბობს, რომ ამ შემთხვევაში ქირას ლეილა მოროხიას ვერ გადაუხდიან, „ოდიშინიუსთან“ სატელეფონო საუბარში აცხადებს, რომ მოროხიას საცხოვრებელი პირობები სოციალური სტატუსის მინიჭების კრიტერიუმებს ვერ აკმაყოფილებს, შესაბამისად სამმართველო ქირას ვერ გადაუხდის. ლეილა მოროხია სიცრუეში კიდევ ერთ უწყებას ადანაშაულებს. მისი თქმით,  მერიის სოციალური  სამსახური შეშას დაპირდა, თუმცა არც ეს  მიუღია.მერიაში განმარტავენ, რომ ლეილა მოროხიას გაცხადება უწყებაში 6 დეკემბერს დარეგისტრირდა, „შეშის გაცემა ხდება ეტაპობრივადახლა მიმდინარეობს შეშის დამზადების პროცესი აქამდე 150-მდე ოჯახმა მიიღო ზამთრისთვის შეშა. – აცხადებენ მერიაში