სამოქალაქო მოძრაობა “ხმამ” ექიმ ვაჟა გაფრინდაშვილის მხარდასაჭერი მსვლელობა გამართა, რომელიც სოფელ ლიიდან ველოსიპედებით დაიწყო და ფახულანის ე.წ საოკუპაციო ხაზთან დასრულდა.აღნიშნული ღონისძიების ფარგლებში ორგანიზაცია მხარდაჭერას უცხადებს   ექიმ ვაჟა გაფრინდაშვილს. ღონისძიებაში ახალგაზრდები ჩაერთვნენ. მათ ხელსი ეჭირათ პლაკატები წარწერებით: „ რუსეთი ოკუპანტია“, „სოლიდარობა ვაჟა ექიმს“. აქცია-მსვლელობის მონაწილეებმა ფახულანი-საბერიოს საზღვარზე მცხოვრებ 12 ოჯახს საახალწლო ნობათები გადასცეს.
შეგახსენებთ, რომ ცნობილი ქართველი ექიმი ვაჟა გაფრინდაშვილი საოკუპაციო ძალებმა 9 ნოემბერს გაიტაცეს, მას დე-ფაქტო ცხინვალი ე.წ. საზღვრის უკანონო გადაკვეთას ედავება. ვაჟა გაფრინდაშვილის გათავისუფლებსი მოთხოვნით არაერთი აქცია გაიმართა, ეს საკითხი ჟენევის საერთაშორისო მოლაპარაკების მთავარი თემაც გახდა. ვაჟა გაფრინდაშვილს დე-ფაქტო სასამართლომ გუშინ თავისუფლების აღკვეთა 1 წლითა და 9 თვით მიუსაჯა.