წალენჯიხის პოლიციის თანამშრომელს ზუგდიდის სასამართლომ წინასწარი პატიმრობა შეუფარდა.
პროკურორის განმარტებით, დაკავებული ბესიკ ფიფია საკუთარ თანამშრომელს მამუკა ქარდავას არაერთხელ დაემუქრა. მისივე თქმით, არსებობს მიმალვისა და მოწმეებზე ზემოქმედების საფრთხე. თავად ბესიკ ფიფია დუმილის უფლებას იყენებს, მისმა ადვოკატმა კი აღკვეთის ღონისძიებად 100 ათას ლარიანი გირაო მოითხოვა.
შემთხვევა წალენჯიხაში 3 დეკემბერს მოხდა, ფიფია სამართალდამცავებმა მალევე დააკავეს. გამოძიება მას განზრახ მკვლელობის მცდელობას ედავება.