ამ წუთებში, ზუგდიდში, ნაციონალური მოძრაობის ოფისში პარტიის ლიდერები განცხადებას აკეთებენ. აქ იმყოფებიან ხატია დეკანოიძე, სალომე სამადაშვილი, აკო მინაშვილი და სხვები.პარტიის ლიდერებმა მადლობა გადაუხადეს ყველა იმ ადამიანს, ვინც გუსინ ოფისში იმყოფებოდა : “თქვენ იცავთ არა მარტო პარტიის ინტერესებს, არამედ თქვენ იცავთ საკუთარი და თქვენი შვილების მომავალს”- განაცხადა სალომე სამადაშვილმა. ბრიფინგზე ჟურნალისტებს უჩვენეს ფოტოები, სადაც ჩანან ის საჯარო მოხელეები, რომლებიც წუხელ აქციაზე იმყოფებოდნენ, გამოირჩეოდნენ აგრესიით და იყვნენ ალკოჰოლური ზემოქმედების ქვეშ. პარტიის ლიდერებმა სამართალდამცავების მხრიდან დაგვიანებულ რეაგირებაზე გაამახვილეს ყურადღება და აღნიშნეს, ” რომ ეს არის დაგეგმილი მოქმედება, როცა პოლიციელები მიზანმიმართულად არ ახდენენ რეაგირებას ძალადობრივ ქმედებებზე და ფაქტობრივად, ახალისებენ ძალადობას”- განაცხადა ხატია დეკანოიძემ.
შეგახსენებთ, რომ გუშინ “ქართული ოცნების” ორგანიზებით თავდასხმა განხორციელდა ნაციონალური მოძრაობის ოფისზე.