მთავარისიახლეებიეკონომიკაფასები კი მიფრინავს... საქსტატის მონაცემებით, ნოემბერში წინა თვესთან შედარებით პური 11.9%-ით,...

ფასები კი მიფრინავს… საქსტატის მონაცემებით, ნოემბერში წინა თვესთან შედარებით პური 11.9%-ით, რძის პროდუქტები 15.4%-ით, ხორცი 13.1%-ით გაძვირდა

Published on

საქართველოს სტატისტიკის ეროვნული სამსახურის მიერ 3 დეკემბერს გამოქვეყნებული დოკუმენტის მიხედვით, 2019 წლის ნოემბერში წინა თვესთან შედარებით ინფლაციის დონემ საქართველოში 0.9 პროცენტი, ხოლო წლიური ინფლაციის დონემ 7.0 პროცენტი შეადგინა.

ფასების ზრდაზე ყველაზე დიდი გავლენა უალკოჰოლო სასმელებისა და სურსათის გაძვირებას ჰქონდა. 

სხვადასხვა ჯგუფის მიხედვით, წლიური ინფლაციის მონაცემები შემდეგია:

სურსათი და უალკოჰოლო სასმელები- 13.4% ფასები მომატებულია შემდეგ ქვეჯგუფებზე: ხილი და ყურძენი (30.3 პროცენტი), ბოსტნეული და ბაღჩეული (16.2 პროცენტი), რძე, ყველი და კვერცხი (15.4 პროცენტი), თევზეული (14.5 პროცენტი), ხორცი და ხორცის პროდუქტები (13.1 პროცენტი), პური და პურპროდუქტები (11.9 პროცენტი), შაქარი, ჯემი და სხვა ტკბილეული (11.5 პროცენტი), მინერალური და წყაროს წყალი, უალკოჰოლო სასმელები და ნატურალური წვენები (8.2 პროცენტი), ყავა, ჩაი და კაკაო (3.9 პროცენტი), ზეთი და ცხიმი (2.8 პროცენტი);

ალკოჰოლური სასმელები, თამბაქო: 15.4%: ფასები მომატებულია როგორც თამბაქოს ნაწარმზე (29.9 პროცენტი), ისე ალკოჰოლურ სასმელებზე (3.4 პროცენტი);

დასვენება, გართობა და კულტურა: 7%: ფასები გაიზარდა დასვენების, გართობისა და კულტურის ხანგრძლივი მოხმარების სხვა საქონელზე (11.6 პროცენტი), ასევე გასართობ და კულტურულ მომსახურებაზე (1.6 პროცენტი);

ტრანსპორტი: 3.1%: ჯგუფში ფასები გაიზარდა სატრანსპორტო საშუალებების შეძენაზე (9.6 პროცენტი), სატრანსპორტო მომსახურებაზე (3.0 პროცენტი) და პირადი სატრანსპორტო საშუალებების ექსპლუატაციაზე (2.6 პროცენტი);

სასტუმროები, კაფეები და რესტორნები: 7.4%: რაც 0.32 პროცენტული პუნქტით აისახა მთლიანი ინდექსის ზრდაში. ფასები გაიზარდა საზოგადოებრივ კვებაზე (8.4 პროცენტი) და ღამის გასათევით მომსახურებაზე (1.0 პროცენტი).

მნიშვნელოვანია, რომ საქართველოს ეროვნული ბანკის მიერ განსაზღვრული მიზნობრივი ინფლაცია 2019-2021 წლებისთვის 3%-ია,რაც იმას ნიშნავს, რომ 2019 წლის ნოემბრის მონაცემებით ფასების საერთო დონე მიზნობრივ ზღვარზე თითქმის 2.5-ჯერ მეტია. 

სიახლეები

ჩალას ვინ ჩივის, განავალით გადახურეს ეს ქვეყანა – საბა ბრაჭველი

რუსტაველის გამზირზე სისხლისსამართლებრივი ხულიგნობის მუხლით დააკავეს თამარ ლორთქიფანიძე, რომელიც პოლიციის მანქანის სახურავზე ავიდა. ამასთან...

ღარიბაშვილმა წლების განმავლობაში უკანონო შემოსავლების მიღების ფაქტი აღიარა – სუს

გამოძიება მომდევნო დღეების განმავლობაში არსებული და დამატებითი მოპოვებული მტკიცებულებების საფუძველზე იმსჯელებს ირაკლი ღარიბაშვილის ქმედების დაკვალიფიცირების,...

რუსთაველზე უკვე 20-ზე მეტი ადამიანია დაკავებული – პოლიცია აგრესიულია

რუსთაველის გამზირზე მიმდინარე აქციაზე 20-მდე ადამიანი ადმინისტრაციული წესით, ხოლო ქალი, რომელიც პოლიციელის მანქანაზე ავიდა,...

არ ვაღიარებ არალეგიტიმური პარლამენტის კანონებს – ირაკლი წულაიას სიტყვა სასამართლოზე

საქალაქო სასამართლოში ირაკლი წულაიას პროცესი მიმდინარეობს. წამყვანმა, რომელსაც რუსთაველის გამზირზე გზის გადაკეტვას ედავებიან, ცოტა...