დღეს ზუგდიდის საკრებულოს რიგგარეშე სხდომაზე 2019 წლის მთავარ საფინანსო დოკუმენტში ცვლილებებზე იმსჯელეს. ცვლილება ბიუჯეტის 1 მილიონ 650 ათასი ლარით გაზრდას ეხებოდა, რომელსაც საკრებულოს წევრებმა მხარი ერთხმად დაუჭირეს. სხდომას, ოპოზიციის წევრები არ ესწრებოდნენ. საკრებულოს თავმჯდომარის მამუკა წოწერიას განმარტებით, ცვლილებები ძირითადად გახლავთ ქონების გადასახადიდან მიღებული მილიონ ხუთასი ათასი, აქედან 150 ათასი ლარი დეპოზიტებიდან მიღებული შემოსავალია, ასევე 100 ათასი ლარი საჯარიმო საქციებიდან მიღებული შემოსავალი. შესაბამისად წლევანდელი წლის ბიუჯეტი განისაზღვრა 72959,5 ათასი ლარით, ნაცვლად ადრე დამტკიცებული 71309,5 ათასი ლარისა. მისივე თქმით, აღნიშნული თანხები ძირითადად გადანაწილდა ყინულის სახლის დემონტაჟის, კეთილმოწყობის სამუშოების , ასევე სპეც- ტექნიკის შესაძენად და რაც ყველაზე მნიშვნელოვანია, სკოლამდელი სააღმზრდელო დაწესებულებისთვის ტექნიკური ბაზის გაუმჯობესებითვის. საკრებულოს თავმჯდომარემ, მერიისა და საფინანსო სამსახურის წარმომადგენლებს მადლობა გადაუხადა და აღნიშნა, რომ ბიუჯეტის გაზრდა მათი სწორი მუშაობის შედეგია.