გენდერული ძალადობის წინააღმდეგ 16 დღიანი კამპანიის ფარგლებში, რომელსაც ემთხვევა შიდსთან ბრძოლის საერთაშორისო დღეც, შიდსით დავადებულთა დახმარების ფონდმა და ქალთა ევრაზიულმა ქსელმა, შიდსის საკითხებზე გამართა მრგვალი მაგიდა თემაზე: “ძალადობას გამართლება არ აქვს”.შეხვედრაზე ისაუბრეს აივ დადებითი ინფექციის გავრცელებასთან დაკავშირებულ პრობლემებზედა ასევე, ყურადღება გამახვილდა ამ კუთხით ქალთა მიმართ ძალადობის ფაქტებზე. შეხვედრა მიზნად ისახავდა საზოგადოების ცნობიერებისა და ტოლერანტობის გაზრდას აივ დადებით ქალთა პრობლემატიკასთან დაკავშირებით. აივ-შიდსის გავრცელების მხრივ სამეგრელო კვლავ მეორე ადგილზე რჩება. ამის ძირითად მიზეზად შიდსით დაავადებულთა დახმარების ფონდის კონსულტანტი ლიკა ჭურღულია ხშირ მიგრაციას მიიჩნევს. შიდსით დაავადებულთა დახმარების ფონდი მიიჩნევს, რომ აუცილებელია საზოგადოების სწორად ინფორმირებულობა, დაავადების გადაცემის გზებზე, რათა თავიდან იქნას აცილებული ახალი შემთხვევები.