ქართველი რეჟისორის თამარ შავგულიძის ფილმის კომეტები მსოფლიო პრემიერა კანადაში, ტორონტოს საერთაშორისო ფესტივალზე შედგა.
“ფილმი ამავე ფესტივალის საკონკურსო სექცია “აღმოჩენებში” იქნება წარმოდგენილი”, — წერია ფილმის ოფიციალურ ფეისბუქ გვერდზე.
სცენარზე თავად რეჟისორმა იმუშავა, პროდიუსერები კი თეკლა მაჭავარიანი და ალექსანდრე შარვაშიძე არიან.
ფილმს, რომელიც ორი ქალის, ბავშვობის მეგობრების ხანგრძლივი სიყვარულის შესახებ გვიყვება, თბილისის კინოფესტივალზეც აჩვენებენ — მთავარ რომელბს ნინო კასრაძე, ქეთევან გეგეშიძე, ნინა მაზოდიერი და მარიამ ირემაშვილი ასრულებენ