“ერთიანი ნაციონალური მოძრაობის” წევრები და მხარდამჭერები პარტიის ოფისთან დილიდან შეიკრიბნენ და თბილისისკენ გაემგზავრნენ. ისინი თბილისში დღეს დაგეგმილ გრანდიოზულ აქციაში მიიღებენ მონაწილეობას, რომელსაც მოძრობა “სირცხვილი” და მოძრობა “შეცვალე” ატარებენ. ენმ-ს ზუგდიდის ორგანიზაციის ერთ-ერთი ლიდერის, თემურ ბასილაიას ინფორმაციით, მხოლოდ ზუგდიდიდან აქციაზე 600-მდე მოქალაქე გაემგზავრა.
რაც შეეხებათ აქციის მონაწილეებს, მათი თქმით, ქვეყანაში არსებულ ვითარებას და ბიძინა ივანიშვილის მიერ ხალხის მოტყუებას აპროტესტებენ და აქციებზე ოპოზიციის მოთხოვნების შესრულებამდე იდგებიან.
შეგახსენებთ, ოპოზიციამ და სამოქალაქო საზოგადოებამ საპროტესტო აქცია რუსთაველზე მას შემდეგ დაიწყო, რაც პარლამენტმა საარჩევნო ცვლილებასთან დაკავშირებული კანონპროექტი, რომელიც პროპორციულ სისტემაზე გადასვლას ითვალისწინებდა, ჩააგდო.