ოკუპირებულ აფხაზეთში, სოხუმის მუნიციპალიტეტში შემავალ ტყის მასივში ხანძარს ვერტმფრენის გამოყენებით ებრძვიან. ცეცხლი სოფელ ფსხუში 150 – 200 ჰექტარ ფართობს, დაახლოებით ორკილომეტრიან ზონას არის მოდებული.
,,ხანძარი ათი ნოემბრის დილით შენიშნეს. იგი გუდაუთის მხარისკენ ვრცელდება. საბედნიეროდ, ახლომახლო დასახლებები არ არის. დარწმუნებული ვარ, ცეცხლის გაჩენის მიზეზი ადამიანური ფაქტორია” – აცხადებს დე ფაქტო რესპუბლიკის საგანგებო სიტუაციების სამსახურის უფროსი თემურ კვიწინია
კვიწინიას გამნცხადებით, მიმდინარეობს მოლაპარაკებები რუსეთის სამაშველო სამსახურთან მისი ავიაციის შეშველების თხოვნით.
„ მე თავად შემოვუფრინე ვერტმფრენით ხანძრის ზონას და უნდა აღვნიშნო, რომ ჩვენი მეხანძრეები მამაცურად ებრძვიან ხანძარს , მაგრამ ცეცხლი მაღალმთიან ტერიტორიაზე, მიუვალ ადგილებში ვრცელდება, რის გამოც ხანძრის ჩაქრობა მხოლოდ სპეცავიაციის გამოყენებით არის შესაძლებელი და სანამ დამხმარე ავიაცია არ მოვა, კერის ლოკალიზება ვერ ხერხდება “-ამბობს კვიწინია.