ჩრდილოეთ სირიიდან ამერიკული შენაერთების გაყვანის შემდგომ, თურქულმა ძალებმა დაიწყეს სირიის ტერიტორიაზე სამხედრო მოქმედებები. თურქული მხარის განცხადებით, მათი მიზანია სირიის საზღვარზე, სირიის შიგნით, 30 კილომეტრიანი “უსაფრთხო ზონის” გაძლიერება. თურქეთი ასევე აღნიშნავს, რომ “სირიის დემოკრატიული ძალების” შიგნით მოქმედი ქურთული ჯგუფი რეალურად გახლავთ ტერორისტული ორგანიზაცია და აქტიურად დაიწყო მის წინააღმდეგ ბრძოლა, რასაც ეწინააღმდეგება ამერიკის შეერთებული შტატები, რომლის მთავარი დასაყრდენი სირიაში სწორედ ქურთული დანაყოფია. აშშ-მ თურქეთის გადაწყვეტილებას, თურქ ოფიციალურ პირებზე სანქციების დაწესებით უპასუხა. აქვე უნდა აღინიშნოს, რომ ამერიკის მხრიდან ჩრდილოეთ სირიის დატოვებას, ქურთები აფასებენ როგორც ზურგში დანის ჩარტყმას.
ამ მოცემულობით ისარგებლა სირიის პრეზიდენტმა ბაშარ ალ ასადმა, რომელსაც მხარს უმაგრებს რუსეთი და 2012 წლის შემდგომ პირველად შეძლო ჩრდილოეთ სირიაში არსებული სტრატეგიული ქალაქის მანბიჯის დაკავება, რომელიც 2016 წელს, ქურთებმა გაათავისუფლეს ტერორისტული ორგანიზაცია “ისლამური სახელმწიფოსგან” და, რომელსაც, თვითონ მართავდნენ აქამდე, თუმცა მათივე ინიციატივით მათ ეს ტერიტორია დაუთმეს სირიის სამთავრობო ძალებს
რაც შეეხება ჰუმანიტარულ ვითარებას, ცნობილი საერთაშორისო ორგანიზაცია “ექიმები საზღვრებს გარეშე”, ჩრდილოეთ სირიაში არსებული მძიმე ვითარების გამო, ქვეყნის ამ ნაწილს ტოვებს
ავტორი: ლევან თორია