„ანაკლიის განვითარების კონსორციუმს“ დღეს ეწურება მთავრობისთვის სავალდებულო დოკუმენტის წარდგენის ვადა, რომელიც ინვესტორის მიერ კაპიტალის სრულად შევსებას დაადასტურებს.
ასევე კონსორციუმმა უნდა წარადგინოს წინასწარი, არასავალდებულო დოკუმენტი, რომელიც ბანკების მხრიდან სასესხო დაფინანსების მოპოვებას ეხება.
შესაბამისად, სავარაუდოდ დღის ბოლოსთვის სამთავრობო კომისია შეიკრიბება. თუ კონსორციუმი აღნიშნულ ორ მოთხოვნას დღის ბოლომდე ვერ შეასრულებს, განიხილება ორი სცენარი: ვალდებულებების შესრულების კიდევ ერთხელ გადავადება ან ხელშეკრულების გაწყვეტა.
კონსორციუმის თავმჯდომარე ხელისუფლებას მოლაპარაკების მაგიდასთან იწვევს. ლევან ახცლედიანი დახმარებას მთავრობისგან ელოდება და ამბობს, რომ კონსორციუმმა მოლაპარაკების მაგიდასთან დაჯდომის თხოვნით ხელისუფლებას უკვე მიმართა.
ახვლედიანის თქმით, ახლა სწორედ მთავრობის ჯერია და დაელოდებიან მათ ნაბიჯებს, რის შემდეგაც ისაუბრებენ პორტის მშენებლასთან დაკავშირებულ კონკრეტულ საკითხებზე.”ჩვენ ვთვლით, რომ ახლა ბურთი მთავრობის მხარესაა და მთავრობამ უნდა დააფიქსიროს კონკრეტული პოზიცია, რომელიც მათი მხრიდან ნჩვენ არ მოგვისმენია. კონკრეტული ვადები პასუხზე გაწერილი არ არის არც დაპირება მიგვიღია. არიან ინვესტორები, რომლებიც გამოთქვამენ მზაობას, რომ მიიღონ მონაწილეობა პროექტში. კონკრეტული საკითხები გადასაწყვეტია ერთობლივად, ჩვენ ვთვლით, რომ ის წინადადება რაც წარვადგინეთ ითვალისწინებს ამ ხედვას.” – აცხადებს ლევან ახვლედიანი.
ანაკლიის კონსორციუმს ხვალ 6 საათამდე აქვს აქვს ვადა იმისთვის, რომ წარადგინოს გარანტიები, რომ მათ შეძლეს 400 მილიონიანი ინვესტიციების მოზიდვა პორტის მშენებლობის დასაწყებად. წინააღმდეგ შემთხვევაში საქმეში ჩაერთვება მთავრობა და შესაბამისი კომისია პრემიერის ხელმძღვანელობით გადაწყვეტს რა ფორმით შეიძლება გაგრძელდეს ეს პროექტი