ზუგდიდის მე-6 სკოლის ყოფილი დირექტორის, ია კერზაიას შვილი საქმეზე ახალი გამოძიების ჩატარებას ითხოვს. შესაბამისი განცხადებით ბაჩანა შენგელიამ უკვე მიმართა პროკურატურას . მისი თქმით, დაელოდება პროკურატურის გადაწყვეტილებას და უარყოფითი პასუხის შემთხვევაში გეგმავს მიმართოს ადამიანის უფლებათა დაცვის ევროპულ სასამართლოს სტრასბუგში.
ბაჩანა შენგელია მოითხოვს განახლდეს საქმის წარმოება, ჩატარდეს კალიგრაფიული ექსპერტიზა უკვე სამხარაულის ექსპერტიზის ბიუროში და არა შინაგან საქმეთა სამინისტროში. ასევე, ჩატარდეს ექსპერტიზა გარდაცვალებასთან მიზეზობრივი კავშირის დასადგენად და დაკითხულ ქნას გიორგი გახარია , ამოღებულ იქნას გიორგი გახარიას, მიხეილ ბატიაშვილს და ასევე, მიხეილ ბატიაშვილის აუდიტის სამსახურის თანამშრომლების დეტალური სატელეფონო ამონაწერები,რომელიც ამ საქმეს უკავშირდება და მისი აზრით სერიოზული მტკიცებულება იქნება მის მიერ მოყვანილ ფაქტების და პირველ რიგში იმის დასადასტურებლად, რომ ამ ყველაფრის განხორციელება გიორგი გახარიას დავალებით მოხდა