მარტვილის საბავშვო ბაღში სასწავლო პროცესი დროებით შეწყვეტილია. მიზეზი ისაა, რომ გუშინ მე-2 საბავშვო ბაღის 20-მდე აღსაზრდელი ინტოქსიკაციის ნიშნით საავადმყოფოში გადაიყვანეს. მომხდარზე ინორმაცია სურსათის ეროვნულმა სააგენტომ გაავრცელა. ბავშვებს სავარაუდოდ კვებითი ინტოქსიკაცია ქონდათ.მარტვილის მეორე საბავშვო ბაღში ექსპერტ-კრიმინალისტები გუშინ მთელი დღე მუშაობდნენ. ასევე, მუშაობდნენ სურსათის ეროვნული სააგენტოს წარმომადგენლები, რომლებმაც ბათუმის ლაბორატორიაში გაგზავნეს სასმელი წყლისა და საკვები პროდუქტების ნიმუშები. ლაბორატორიული კვლევის შედეგები ორ-სამ დღეში გახდება ცნობილი.
შინაგან საქმეთა სამინისტრომ გამოძიება 124-ე მუხლით დაიწყო,რაც ჯანმრთელობის ნაკლებად მძიმე ან მძიმე დაზიანებას გულისხმობს გაუფრთხილებლობით. ამ დროისთვის მარტვილის მეორე საბავშვო ბაღი არ ფუნქციონირებს,სანამ არ გახდება ცნობილი ლაბორატორიული დასკვნა.