ბევრი დრო არ დარჩა როცა აქ, ამ სანოტარო ბიუროს ნაცვლად განთავსდება საქართველოს პარლამენტი, ცოტა დრო რჩება სანამ ქართველი ხალხი დაიბრუნებს პარლამენტს და ქვეყანას. ცოტა დრო რჩება სანამ ქართველი ხალხი შემოვა ამ დარბაზში – ეს განცხადება ნიკა მელიამ პარლკამენტში სიტყვით გამოსვლისას გააკეთა.
მისი თქმით, საქართველოში დასრულებული სახე მიეცა რუსული რეჟიმის ჩამოყალიბებას, რაც ქართული სახელმწიფოს მკვლელობით გამოიხატება.
„სულ ცოტა დრო რჩება სანამ ქართველი ხალხი შემოვა აქ, ამ დარბაზში, ამ შენობაში, შემოვა როგორც ამ ქვეყნის ბატონ-პატრონი. დიახ რამდენიმეს გაგეღიმათ მაგრამ მესმის ამ ღიმილისაც რადგან ეს არ არის გულწრფელი ღიმილი, ეს სიმწრის ღიმილია. იმაზე მალე შემოვა ქართველი ხალხი პარლამენტში, ვიდრე თითოეულ თქვენგანს ყველაზე კოშმარულ სიზმარშიც კი წარმოუდგენია. დღეს საქართველოში დასრულებული სახე მიეცა რუსული რეჟიმის ჩამოყალიბებას და ეს გამოიხატება ქართული სახელმწიფოს მკვლლელობით, საქართველოს მოქალაქის თავისუფლების მკვლელობით” – განცხადა ნიკა მელიამ.
შეგახსენებთ ეს არის პირველი საპარლამენტო სხდომა, რომელზედაც სიტყვით გამოვიდა ნიკა მელია მას შემდეგ, რაც იგი , როგორც თავად ამბობს, „სამაჯურით შეამკეს“.