ხალხი, რომელმაც გახარია პანკისიდან დაიფრინა, ისევ იგნორირებულია – ხელისუფლება ჰესის მშენებლობის აკვიატებულ იდეას არ ეშვება

0
724

თელავის მუნიციპალიტეტის სოფელ ლაფანყურის მოსახლეობამ ჰესის მშენებლობა გააპროტესტა. ადგილობრივები დღეს სოფლის ცენტრში შეიკრიბნენ და ხელისუფლების სახელზე ხელმოწერების შეგროვება დაიწყეს.

აქციის მონაწილეების განმარტებით, ლაფანყურიდან შვიდ კილომეტრში, მდინარე ლოპოტაზე დაგეგმილი ჰესის მშენებლობას ეწინააღმდეგებიან. მათი თქმით, მდინარეს არ გააჩნია შესაბამისი წყლის რესურსი, ხოლო კალაპოტი მცოცავი ქანებისგან შეგდება, რაც ჰესის აშენების შემთხვევაში საფრთხეს ზრდის. ჰესის აშენების შემთხვევაში მოხდება უნიკალური ჯიშის ხეების გაკაფვა, საფრთხე დაემუქრება ამ ტერიტორიაზე მდებარე ისტორიულ ციხის კომპლექსს, ფლორას და ფაუნას ამასთანავე, მდინარე ლოპოტის დიდი ნაწილის მილებში მოქცევით პრობლემა შეექმნება სასმელი და სარწყავი წყლით სოფლის მომარაგებას.

ადგილობრივები ამბობენ, რომ ისინი არანაირ პირობებზე არ იქნებიან თანახმა და კატეგორიულად ეწინააღმდეგებიან ჰესის აშენებას. მოსახლეობა ამ მოთხოვნით ხელისუფლებას მიმართავს და შესაბამისი ხელმოწერები გროვდება.

ლაფანყურელები დღეიდან დაგეგმილი ჰესის ტერიტორიისაკენ მიმავალი გზის პიკეტირებას და მორიგეობას აწესებენ, რომ მშენებელ კომპანიას ტერიტორიაზე შესაბამისი ტექნიკის მობილიზების საშუალება არ მისცენ.

აქციის მონაწილეებთან შესახვედრად ლაფანყურში დღეს შპს „ართანა – ლოპოტა პესის“ და არც ადგილობრივი ხელისუფლების წარმომადგენლები გამოჩენილან

წინა სტატიაგადაცემა “ლუსტრაცია” თემა: რუსთაველზე მიმდინარე აქციები და 20 სექტემბერს დაგეგმილი მანიფესტაცია სტუმრები: ელენე ხოშტარია და გიგა მაქარაშვილი [Video]
შემდეგი სტატიაემზარ კვიციანი იგინება და წიხლებს ყრის – ცხვარიც ცხვარია, თუ გაცხარდა, ცხარეა
ტელეკომპანია ოდიშის საინფორმაციო სამსახური