„სამხრეთ ოსეთის“ ე.წ.მესაზღვრეებმა დღეს სოფელ წნელისიდან დასავლეთით, სტრატეგიულად მნიშვნელოვან სიმაღლეზე „სასაზღვრო პოსტის“ მშენებლობა დაიწყეს. ამის შესახებ დე ფაქტო КГБ -ს ინფორმაციაშია აღნიშნული. მათივე ინფორმაციით, მათ აღადგინეს „სასაზღვრო ნიშანი და აღმართეს სამხრეთ ოსეთის დროშა“.
„სამხრეთ ოსეთის მესაზღვრეების მოქმედება არ წარმოადგენს საფრთხეს საზღვართან მდებარე სოფლების კობისა და ჩორჩანას მცხოვრებლებისთვის და მიმართულია სასაზღვრო რეჟიმის დაცვის, რესპუბლიკა სამხრეთ ოსეთის იმ მოქალაქეების უსაფრთხოების დასაცავად, რომლებიც ზნაურის რაიონის საზღვრისპირა ზოლში ცხოვრობენ. ასევე მიმართულია რეგიონში სამხედრო-პოლიტიკური მდგომარეობის სტაბილიზაციისთვის“, – ნათქვამია დე ფაქტო КГБ -ს განცხადებაში
შს მინისტრობის კანდიდატი ვახტანგ გომელაური ადასტურებს , რომ დროშა აღმართულია, თუმცა ამბობს, რომ ,,დასაზუსტებელია, რა ადგილია ეს – ჩვენი კონტროლირებადი ტერიტორიაა , თუ მათი/ – ახლა მთავარი საზრუნავია, რომ ადგილზე მოსახლეობა უსაფრთხოდ იყოს’. გაააქტიურებულია უსაფრთხოების სამსახურის ცხელი ხაზი, ჩართულები არიან, როგორც შს სამინისტრო, ასევე, სახელმწიფო უსაფრთხოების სამსახური, ხვალ ტექნიკური, სამუშაო შეხვედრაა, იქაც დადგება საკითხი, დაზუსტდება და გაცნობებთ ინფორმაციას. დღეს ჩვენი მთავარი საზრუნავია იქ მცხოვრები მოსახლეობა”,- აცხადებს გომელაური.
.