მთავრობის პრესსამსახურის ცნობით, პრემიერმინისტრი მამუკა ბახტაძე დღეს, 15:00 საათზე ისაუბრებს სამთავრობო ცვლილებებზე. ,,პრემიერი თბილისში, ტექნოპარკში, სატელევიზიო თოქ-შოუების წამყვანებს შეხვდება. დეტალურად ისაუბრებს, შეაჯამებს საქმიანობას და იტყვის ხედვებზე”- ამბობენ მთავრობის პრესსამსახურში.
გუშინ, პირველ სექტემბერს, ქართული ოცნების ოფისში უმრავლესობის სხდომა გაიმართა, სადაც სამთავრობო ცვლილებები განიხილეს. სხდომას ბიძინა ივანიშვილი ხელმძღვანელობდა. მისი დასრულების შემდეგ პარტიის წევრებმა ჟურნალისტებთან ცვლილებების დეტალებზე არ ისაუბრეს.
რამდენიმე დღეა, სხვადასხვა მედია წყაროებზე დაყრდნობით ვრცელდება ინფორმაცია, რომ პრემიერმინისტრის პოსტზე მამუკა ბახტაძეს შინაგან საქმეთა მინისტრი გიორგი გახარია შეცვლის, ხოლო შინაგან საქმეთა სამინისტროს სათავეში ირაკლი ღარიბაშვილი დაბრუნდება. გუშინდწლი სხდომის შემდეგ ეს მოლოდინები გამყარდა
.