გარდაბნის მუნიციპალიტეტის სოფელ თელეთთან ავტოსაგზაო შემთხვევის შედეგად დაშავებული სომხეთის ორი მოქალაქე ამ დრომდე „ნიუ ჰოსპიტალსის“ რეანიმაციულ განყოფილებაში რჩება.
როგორც „ნიუ ჰოსპიტალსში“ აცხადებენ, დაშავებულების ჯანმრთელობის მდგომარეობის გამო, მათი ერევანში გადაყვანა ვერ მოხერხდა.
სოფელ თელეთთან ავტოსაგზაო შემთხვევა 31 აგვისტოს გამთენიისას მოხდა საქართველოს შინაგან საქმეთა სამინისტროს ინფორმაციით, ერთმანეთს სამი მიკროავტობუსი და ერთი მსუბუქი ავტომანქანა შეეჯახა. დაიღუპა ორი ადამიანი დაშავებულია 20. მათგან 17 სომხეთის მოქალაქეა ორისაქა რთველოს, ხოლო ერთი – აზერბაიჯანის.
დაშავებულები თავდაპირველად თბილისის კლინიკებში გადაიყვანეს , მაგრამ ოდნავ მოგვიანებით სომხეთის ოთხი მოქალაქის ერევანში გადაყვანის გადაწყვეტილება იქნა მიღებული -ეს სომხეთის რესპუბლიკისა და საქართველოს ჯანდაცვის სამინისტროების წარმომადგენლების მოლაპარაკებების შედეგად გადაწყდა. დაშავებულები ერევანში რეანომობილებით უნდა წაიყვანონ, თუმცა ეს ჯერჯერობით შეუძებელი აღმოჩნდა ორი პაცოენტის მდგომარეობის გამო.
რაც შეეხება გარდაცვლილებს, ორივე მათგანი ქალია, სომხეთის მოქალაქე. არსებული ინფორმაციით, ისინი ისხდნენ ერთ-ერთ მიკროავტობუსში, რომელიც ერევნიდან ბათუმის მიმართულებით გადაადგილდებოდა.
მომხდარ ფაქტზე გამოძიება სსკ-ის კოდექსის 276-ე მუხლის მერვე ნაწილით მიმდინარეობს, – ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია.