კულუარული ინფორმაციით, ორშაბათს საქართველოს ახალი პრემიერ-მინისტრი ეყოლება – გიორგი გახარია

0
977

მედიაში რამდენიმე დღეა ვრცელდება არაოფიციალური ინფორმაცია, რომელიც კულუარულ წყაროებს ეყრდნობა.

ამ წყაროების თანახმად, ორშაბათს, საქართველოს ახალი პრემიერ-მინისტრი ეყოლება. ბიძინა ივანიშვილმა უკვე მიიღო მამუკა ბახტაძის შეცვლის გადაწყვეტილება – ინფორმაციით, ბახტაძეს მთავრობის მეთაურის პოსტზე შინაგან საქმეთა მინისტრი, გიორგი გახარია შეცვლის.

ამავე წყაროს ცნობით, შს სამინისტროში ირაკლი ღარიბაშვილი მინისტრის პოსტზე ბრუნდება. 
საპარლამენტო კულუარებში აცხადებენ, რომ კვირას როსტომ მეფის სასახლეში, ბიძინა ივანიშვილთან აუდიენცია ჩაინიშნა. სადაც პარტიის თამჯდომარე გადაწყვეტილებას გააცნობს გუნდს, რომელიც ორშაბათს გაჟღერდება.

,,თუ გახარიას გაპრემიერება მოხდა, რა თქმა უნდა, ეს არის გამწვავება ვითარების, ეს არის დიდი შეურაცხყოფა მთელი საზოგადოების. ეს იქნება კიდევ ერთი ნაბიჯი, რომელიც, ჩემი აზრით, მოემსახურება ივანიშვილის ილუზიას, რომ ძალის დემონსტრირებას მოახდენს, რაც მას ვერ იხსნის საარჩევნო თვალსაზრისით, მაგრამ გვიბიძგებს კიდევ ერთი ნაბიჯით სახიფათო რადიკალიზაციის და დაძაბულობის ზღვრისკენ. – განაცხადა ტვ პირველის ეთერში საუბრისას ევროპული საქართველოს ერთ-ერთმა ლიდერმა გიგა ბოკერიამ გავრცელებულ ხმებზე, რომ გიორგი გახარიამ შეიძლება პრემიერ მინისტრის პოსტი დაიკავოს. 

წინა სტატიადევნილებს, რომლებიც თვითნებურად, უკანონოდ იჭრებიან სხვის კერძო საკუთრებაში, დევნილის შემწეობა შეუწყდებათ და ბინით დაკმაყოფილებაზე უარს მიიღებენ
შემდეგი სტატიაფლორიდას ქარიშხალი ,, დორიანი” უახლოვდება. ტრამპმა სპეციალური დეკლარაცია გამოსცა და პოლონეთში დაგეგმილი ვიზიტი გააუქმა
ტელეკომპანია ოდიშის საინფორმაციო სამსახური